தாளவாடியில் இம்மானுவேல் கண் நோய் இலவச சிகிச்சை முகாம் -2014

மரியாதைக்குரியவர்களே,
               வணக்கம். 
           நுகர்வோர் பாதுகாப்பு மற்றும் சாலை பாதுகாப்பு சங்கம்-தமிழ்நாடு வலைப்பக்கத்திற்கு தங்களை இனிதே வரவேற்கிறோம்.

    காலை எட்டு மணி முதல் மாலை மூன்று மணிவரை 254 நோயாளிகளுக்கு அயராது சிகிச்சையளித்த  மரியாதைக்குரிய கண் மருத்துவர் சாஜில் ஓமென் சக்கோ (SHAJIL OOMMEN CHACKO) அவர்களும் அவருக்கும் நோயாளிகளுக்கும் தமிழ் & கன்னட மொழி மாற்றி துணை புரிந்த மரியாதைக்குரிய D. குருபாதசாமி அவர்களும்.

       
   31-05-2014 சனிக்கிழமை  இன்று 
        ஈரோடு மாவட்டம் தாளவாடியில் 
ஈரோடு மாவட்ட பார்வை இழப்பு தடுப்பு சங்கம்,
குன்னூர் மேட்டுப்பாளையம் இம்மானுவேல் கண் நோய் நிவாரணக் குழு, நுகர்வோர் பாதுகாப்பு மற்றும் சாலை பாதுகாப்பு சங்கம் சார்பில்  தாளவாடியில் உள்ள அசிஸி பொது மருத்துவமனையில் இலவச கண் சிகிச்சை முகாம் நடத்தப்பட்டது.

காலை 8 மணிக்கு துவங்கி மதியம் 3 மணி வரை நடந்த இம்முகாமிற்கு
திரு.C.பரமேஸ்வரன் அவர்கள்,செயலாளர் நுகர்வோர் பாதுகாப்பு மற்றும் சாலை பாதுகாப்பு சங்கம்-தமிழ்நாடு அவர்கள் தலைமை வகித்தார்.
திரு.A.P.ராஜூ அவர்கள்,செயற்குழு உறுப்பினர் முகாமை துவக்கி வைத்தார்.
  

 திரு.T.V.ஆனந்த நாராயணன் அவர்கள் -செய்தியாளர்,தாளவாடி ,திருS.ராஜேந்திரன் அவர்கள்,செயற்குழு உறுப்பினர் முன்னிலை வகித்தனர்.
இம்மானுவேல் கண் நோய் நிவாரணக் குழு மருத்துவர் திரு.ஷாஜில் ஓமென் சாக்கோ அவர்கள் தலைமையில் பதினைந்து மருத்துவக்குழுவினர் கண் சம்பந்தப்பட்ட அனைத்து நோய்களுக்கும் சிகிச்சை அளித்தனர்.

               தாளவாடி மலைப்பகுதி சுற்றுவட்டாரங்களிலிருந்து 254 நோயாளிகள் கண் பரிசோதனை செய்து சிகிச்சை பெற்றனர். 

                            97 நோயாளிகள் கண் புரை முற்றிய நிலையில் அறுவை சிகிச்சைக்காக தேர்வு செய்யப்பட்டனர்.அனைவரையும் இரு பிரிவுகளாக பிரித்து முதல் பிரிவு 45 நோயாளிகளும் அவர்களில் இருவருக்கு இரு கண்களும் தெரியாத நிலையில் துணைக்கு 6 பேரும் ஆக  இன்று 31-05-2014 குன்னூர் மேட்டுப்பாளையம் இம்மானுவேல் மருத்துவமனையான G.M.மருத்துவமனைக்கு அழைத்து செல்லப்பட்டனர்.
      அடுத்த பிரிவினர் 52 நோயாளிகள் வருகிற 03 - 06-2014 செவ்வாய்கிழமை அன்று அழைத்து செல்லப்பட்டனர்.

        கண்மருத்துவ சிகிச்சைக்கான ஏற்பாட்டை 
முகாம் அமைப்பாளர் திரு.L.O.நடராஜன் அவர்கள் , நுகர்வோர் பாதுகாப்பு மற்றும் சாலை பாதுகாப்பு சங்கம்-தமிழ்நாடு ஒருங்கிணைப்பாளர் திரு.K.லோகநாதன் (லோகு டிரைவிங் ஸ்கூல்-சத்தியமங்கலம்)  ஆகியோர் செய்து இருந்தனர்.

 கண் அறுவை சிகிச்சைக்காக நோயாளிகள் பயணித்த காட்சி.
கண் புரை அறுவை சிகிச்சை செய்து கொண்டு வீடு திரும்பிய அனைத்து நோயாளிகளுக்கும் மறுபரிசோதனை..........
                     எங்களது வேண்டுகோளினை ஏற்று கண் மருத்துவக்குழுவினர் வருகிற 27 -06-2014 வெள்ளிக்கிழமை அன்று தாளவாடி மலைப்பகுதிக்கே வருகை புரிந்து கண் அறுவை செய்துகொண்ட நோயாளிகளை மறு பரிசோதனை செய்ய உள்ளனர்.

தாளவாடியில் இம்மானுவேல் கண் நோய் நிவாரணக்குழுவின் இலவச கண் சிகிச்சைக்கான பிரச்சாரம்-01

மரியாதைக்குரியவர்களே,
                       வணக்கம்.நுகர்வோர் பாதுகாப்பு மற்றும் சாலை பாதுகாப்பு சங்கம்-தமிழ்நாடு வலைப்பக்கத்திற்கு தங்களை இனிதே வரவேற்கிறோம்.
        31ஆம் தேதி மே மாதம் 2014 சனிக்கிழமை காலை 8 மணி முதல் மதியம் 1 மணி வரை, தாளவாடி அசிஸி மருத்துவமனையில் கண் நோய்க்கான இலவச பரிசோதனை & சிகிச்சை முகாம்.........

         இம்மானுவேல் கண் நோய் நிவாரணக்குழு ஒலிபெருக்கி பிரச்சார வாகனம்.நீண்ட காலமாக சிறப்பாக இலவசமாக சமூகப்பணி ஆற்றிவரும் குன்னூர் மேட்டுப்பாளையம் இம்மானுவேல் கண்நோய் நிவாரணக்குழுவினருக்கு சமூகம் சார்பாக நன்றி கூறி வணங்குகிறோம்.

  தாளவாடி கோடிபுரம் சிறு கடை உரிமையாளர்  திரு.வீரண்ணா அவர்கள் நோட்டீஸ்களை கடை முன்பு ஒட்டிவைத்து மக்களுக்கு சமூகப்பணி ஆற்றியகாட்சி. (அவரையும் வாழ்த்துவோம்.) 

            2014 மே மாதம் 31ஆம் தேதி தாளவாடியில் இலவச கண் சிகிச்சை முகாம் நடக்க இருப்பதை பொதுமக்களுக்கு தெரிவிக்க    28-05-2014 புதன்கிழமை இன்று  தாளவாடியில் தமிழ் மற்றும் கன்னட மொழிகளில் வாகன ஒலிபெருக்கி பிரச்சாரம் நடைபெற்றது.அப்போது தமிழிலும் கன்னடத்திலும் அச்சடிக்கப்பட்ட பிரச்சார நோட்டீஸ்களும் ஆறாயிரம் நோட்டீஸ்கள் விநியோகம் செய்யப்பட்டன.

தமிழிலும் கன்னடத்திலும் பேனர் அச்சடித்து தாளவாடி பேருந்து நிலையத்தில் கட்டப்பட்டு பிரச்சாரம் செய்யப்பட்டது.பிரச்சாரத்தில்

 கண் சிகிச்சை முகாம் அமைப்பாளர் திரு.நடராஜன் அவர்களும்,நுகர்வோர் பாதுகாப்பு மற்றும் சாலை பாதுகாப்பு சங்கம் -தமிழ்நாடு செயலாளர் திரு.C.பரமேஸ்வரன் அவர்களும்,வாகன ஓட்டுநர் திரு.லட்சுமணன் அவர்களும் பிரச்சாரம் செய்தனர்.இருநூறு கிலோமீட்டர் தூரம் பிரச்சாரம் ஒரே நாளில் ஓய்வின்றி அனைத்து ஊர் உட்புறவீதிகளிலும் வாகனத்தை ஓட்டிச்சென்று மக்களை நேரில் சந்தித்து விளக்கமாகக்கூறி நோட்டீஸ்களும் வழங்கி பிரச்சாரம் செய்யப்பட்டது.வழிநெடுகிலும் தோட்டங்களில் கூலி வேலை செய்து கொண்டிருந்தவர்கள்,நூறுநாட்கள் வேலைத்திட்டத்தின்படி வேலை செய்துகொண்டிருந்தவர்கள்,பேருந்துகளில் பயணித்தவர்கள் என அனைவருக்கும் இலவச கண் சிகிச்சைக்கு வருகை தந்து கண் சம்பந்தப்பட்ட அனைத்து தொந்தரவுகளையும் பரிசோதித்து இலவசமாக பயனடையுமாறு அவர்களுக்கும் நோட்டீஸ் வழங்கி  பிரச்சாரம் செய்யப்பட்டது.
             வாகன ஒலிபெருக்கி பிரச்சாரம் 28 - 5-2014 புதன்கிழமை  இன்று காலை 7-மணிக்கு தாளவாடியில் தொடங்கி ராமாபுரம், எல்லக்கட்டை, பாரதிபுரம், சேசன் நகர், தாளவாடி ஒசூர், ஜீவா போக்குவரத்து நகர், தொட்டகாஜனூர், தர்மாபுரம், சூசைபுரம், பீம்ராஜநாகர், சொத்தன்புரம், குருபுருண்டி,
 ஒங்கன்புரம், அருள்வாடி, மெட்டல்வாடி, மெட்டல்வாடி  ஒசூர், கரளவாடி, பாறையூர், மரியாபுரம், மல்லன்குழி, பட்டுப்பண்ணை, தமிழ்புரம், ஜோரே ஒசூர், மாதஹள்ளி, சிமிட்டஹள்ளி, பையனாபுரம், காமையன்புரம், பாளையம்,
 ஆனந்தபுரம், பனகஹள்ளி, சிங்கன்புரம், கொங்கள்ளி, பொதை,  மல்லையன்புரம்,
 பெலத்தூர், கெட்டவாடி, கிரிஜம்மாதோப்பு, குன்னன்புரம், ஜீரகஹள்ளி, தொட்டமுதுகரை,
 பசப்பன்தொட்டி, கல்மண்டிபுரம், சோளகர்தொட்டி,  எரகனஹள்ளி, கிருஷ்ணாபுரம்,
 திகினாரை, மல்குத்திபுரம், தொட்டி, இரிபுரம், அண்ணாநகர்,  தாளவாடி, மரூர், மகாராஜபுரம், சிக்கள்ளி,
 இக்கலூர், நெய்த்தாளபுரம், முதியனூர், மைராடா காந்திநகர், சீவகனஹள்ளி,
 தொட்டபுரம் அசிஸி மருத்துவமனை, தொட்டபுரம், தலமலை, கோடிபுரம், பெஜலட்டி, மாவநத்தம், காளிதிம்பம், ஆசனூர்
, திம்பம் 
         வரை பிரச்சாரம் செய்யப்பட்டது.

  தாளவாடி வட்டார அனைத்து கிறித்துவ சர்ச்களுக்கும் நோட்டீஸ்கள் வழங்கி அதன்படி அனைத்து சர்ச் களை சேர்ந்த திருமிகு.கிறிஸ்துவ பாதிரியார்கள் கடந்த 25 - 5 - 2014  ஞாயிற்றுகிழமை அன்றே தாளவாடி,திகினாரை,பனகஹள்ளி,தொட்டபுரம்,முதியனூர்,கெட்டவாடி,
சிமிட்டஹள்ளி,கும்டாபுரம்,சிக்கள்ளி, ஊர்களில் அமைந்து உள்ள சர்ச்களுக்கு வருகைபுரிந்த அனைத்து மக்களுக்கும் பிரச்சாரம் செய்யப்பட்டது. நெய்த்தாளபுரத்தில் அன்றைய தினம் நடந்த நாடக அரங்கத்திலும் கண் சிகிச்சை பற்றி அறிவித்து மக்களுக்கு தகவல் கொடுக்கப்பட்டது. ஆசனூர் அரேபாளையம் மற்றும் அப்பகுதி வட்டார  மலைவாழ் மக்களுக்காக அரே பாளையம் பேருந்து நிலையத்தில்  பெட்டிக்கடை மற்றும் டீக்கடை வைத்து உள்ள திரு .மூர்த்தி அவர்களிடம் நூறு நோட்டீஸ்கள் வழங்கி அந்த வட்டார  மலைப்பகுதி மக்களுக்கு தகவல் கொடுத்து பிரச்சாரம் செய்யப்பட்டது. அதேபோன்று  மாவள்ளம், தேவர் நத்தம்,குளியாடா மலைவாழ் மக்களுக்காக  கோட்டாடையில் மளிகை கடை வைத்துள்ள திரு.முத்தப்பா அவர்களிடமும்,திரு.பழனிச்சாமி அவர்களிடமும்  நூறு நோட்டீஸ்கள் வழங்கி அந்த வட்டார மலைப்பகுதி மக்களுக்கு தகவல் கொடுத்து பிரச்சாரம் செய்யப்பட்டது.தாளவாடி வட்டார வழித்தடங்களில் இயங்கும் பேருந்துகளிலும் நோட்டீஸ் வழங்கி பிரச்சாரம் செய்யப்பட்டது.தாளவாடி பேப்பர் ஏஜண்ட் மற்றும் பத்திரிக்கை நிருபர் திரு.T.V.ஆனந்த நாராயணன் அவர்களும் அனைத்து பேப்பர்களிலும் பிரச்சார நோட்டீஸ்களை வைத்து அனுப்பியும்,எங்களுக்கு சாப்பாடு வசதி உள்ளிட்ட பல்வேறு வசதிகளை செய்து உதவினார்.
 (சமூகப்பணி ஆற்றிவரும் மேற்கண்ட அனைவருக்கும் நன்றிகள் பல.)

 அனைவரின் கவனத்திற்கு ;
                 
      (1) கன்னட நோட்டீஸ்கள்- 
                        கர்நாடகா மாநிலம், சாம்ராஜ நகரம் மாவட்டம், C.H.நகரத்தின் மையத்தில் உள்ள அதாவது  டபுள் ரோட்டில் எஸ்.பி.அலுவலகம் முன்பு அதாவது பஸ்வேஸ்வரா தியேட்டர் அருகிலுள்ள தேகுல ஆப்செட் முத்ரண  (Degula Offset Mudrana,Double Road,Chamrajanagar (Karnataka)
அச்சகத்திலும்,
(2)கன்னட பேனர் -
                Degula Offset Mudrana அச்சகத்திற்கு அருகிலுள்ள- பவன்குமார் டிஜிட்டல் பிரிண்டர்ஸ் ஃபிளெக்ஸ் பிரிண்டர்ஸ் (Pavankumar Digital Printers & Flex Printers ,Opp S.P.Office,Double Road,C.H.Nagar) அலுவலகத்திலும் 
(3)தமிழ் நோட்டீஸ்கள்-
          குன்னூர் மேட்டுப்பாளையத்திலுள்ள பாரத் ஆப்செட் பிரிண்டர்ஸ் அச்சகத்திலும்,
(4)தமிழ் விளம்பர பேனர்-
           குன்னூர் மேட்டுப்பாளையத்திலும் அச்சடிக்கப்பட்டது

தாளவாடியில் இலவச கண் சிகிச்சை முகாம்-2014

மரியாதைக்குரியவர்களே,
                         வணக்கம்.நுகர்வோர் பாதுகாப்பு மற்றும் சாலை பாதுகாப்பு சங்கம்-தமிழ்நாடு வலைப்பக்கத்திற்கு தங்களை இனிதே வரவேற்கிறோம்.

ம

  
தாளவாடி வட்டார மரியாதைக்குரிய பொதுமக்களே,
           அனைவருக்கும் வணக்கம்.
     

ஈரோடு மாவட்ட பார்வை இழப்பு தடுப்புச் சங்கமும்,குன்னூர் மேட்டுப்பாளையம் இம்மானுவேல் கண் நோய் நிவாரணக்குழுவும்,நுகர்வோர் பாதுகாப்பு மற்றும் சாலை பாதுகாப்பு சங்கம் -தமிழ்நாடு என்னும் அரசு பதிவு பெற்ற தன்னார்வ நுகர்வோர் மற்றும் சாலை பாதுகாப்பு அமைப்பும் இணைந்து நம்ம தாளவாடியிலுள்ள அசிஸி மருத்துவமனையில் வரும் 2014 மே மாதம் 31ஆம் தேதி சனிக்கிழமை அன்று காலை 8 மணி முதல் மதியம் 1 மணி வரை கண் நோய் இலவச பரிசோதனை மற்றும் இலவச சிகிச்சை அளிக்க உள்ளார்கள்.இலவசமாக நடக்க இருக்கும் கண் நோய் சிகிச்சை முகாமில் கண் புரை உண்டாகுதல்,கண்ணில் நீர் அழுத்தம்,கண்ணில் நீர்ப்பை  அடைப்பு,மாலைக்கண்,கிட்டப்பார்வை,தூரப்பார்வை மற்றும் கண் சம்பந்தப்பட்ட அனைத்து வியாதிகள் உட்பட எல்லா தொந்தரவுகளுக்கும் இலவசமாக பரிசோதனை செய்து இலவசமாக சிகிச்சை அளிக்கப்படும்.
 கண்ணில் புரை உண்டாகி இருந்தால் அன்றைய தினமே குன்னூர் மேட்டுப்பாளையம் இம்மானுவேல் மருத்துவமனைக்கு G.M.மருத்துவமனைக்கு இலவசமாக அழைத்து சென்று இலவசமாக உணவு,தங்குமிடம்,மருத்துவ சிகிச்சை,அறுவை சிகிச்சை பேருந்து போக வர இலவச வசதி அனைத்தும் செய்து தரப்படும்.கண்ணிற்குள் இலவசமாக IOL லென்ஸ் பொருத்தப்படும்.அறுவை சிகிச்சைக்கு வருபவர்கள் தங்களது ரேசன் கார்டு ஜெராக்ஸ் காப்பி அல்லது வாக்காளர் அடையாள அட்டை ஜெராக்ஸ் காப்பி எடுத்து வர வேண்டும்.தங்குவதற்கு தேவையான பொருட்களுடன் வரவேண்டும்.நம்ம தாளவாடி பகுதியில் கடந்த முப்பது ஆண்டுகளாக இலவச சிகிச்சை செய்து வரும் குன்னூர் மேட்டுப்பாளையம் இம்மானுவேல் கண் நோய் நிவாரணக்குழு இந்த முறையும் தாளவாடிக்கு வருகை தருகிறது.எனவே உங்களுக்கோ அல்லது உங்கள் பக்கத்து வீட்டுக்காரர்களுக்கோ,உங்களுக்கு தெரிந்தவர்களுக்கோ கண் சம்பந்தப்பட்ட தொந்தரவு ஏதாவது இருந்தால் மே மாதம் 31,2014 சனிக்கிழமை அன்று தாளவாடி அசிஸி மருத்துமனைக்கு காலை 8 மணிக்கு வருகை தந்து இலவசமாக பரிசோதனை செய்து இலவச சிகிச்சையும் பெற்று நிவாரணம் பெறுமாறு அனைவரையும் அன்புடன் கேட்டுக்கொள்கிறோம்.மேலும் விவரங்களுக்கு http://consumerandroad.blogspot.com வலைப்பக்கத்தில் பார்வையிட அன்புடன் கேட்டுக்கொள்கிறோம்.
                          

இலவச கண் சிகிச்சை முகாம்.நம்ம தாளவாடியில்

மரியாதைக்குரியவர்களே,
                  வணக்கம். நுகர்வோர் பாதுகாப்பு மற்றும் சாலை பாதுகாப்பு சங்கம் தமிழ்நாடு வலைப்பக்கத்திற்கு தங்களை இனிதே வரவேற்கிறோம்.இலவச எண் சிகிச்சை முகாம் நம்ம தாளவாடியில்.....

   

இலவச கண் சிகிச்சை முகாம் - 2014

மரியாதைக்குரியவர்களே,
                    வணக்கம்.
       நுகர்வோர் பாதுகாப்பு மற்றும் சாலை பாதுகாப்பு சங்கம் -தமிழ்நாடு வலைப்பக்கத்திற்கு தங்களை இனிதே வரவேற்கிறோம்.

                      கொண்டு செல்ல எதுவும் இல்லை!,
                        கொடுத்து செல்லுங்கள் கண்களை!!
  

         மாபெரும் இலவச கண் சிகிச்சை முகாம்

ஈரோடு மாவட்ட பார்வை இழப்பு தடுப்புச் சங்கம்,   

             குன்னூர் மேட்டுப்பாளையம்

  இம்மானுவேல் கண் நோய் நிவாரணக் குழு,

  நுகர்வோர் பாதுகாப்பு மற்றும் சாலை பாதுகாப்பு சங்கம்-தமிழ்நாடு 
                        இணைந்து நடத்தும்
 மாபெரும் இலவச கண் சிகிச்சை முகாம் .

  இடம் ; அஸிஸி ஆஸ்பத்திரி - தலமலை ரோடு,தாளவாடி.
        நாள்; 31 - 05 -2014 சனிக்கிழமை. 
    நேரம் ; காலை 8-00 மணி முதல் மதியம் 1 - 00 மணி வரை.

             கண் சம்பந்தப்பட்ட அனைத்து வியாதிகளுக்கும் இலவசமாக பரிசோதனை செய்து சிகிச்சையும் அளிக்கப்படும்.அறுவை சிகிச்சை தேவை உள்ளவர்களுக்கு அன்றே மேட்டுப்பாளையம் G.M.கண் மருத்துவமனைக்கு அழைத்து சென்று சிகிச்சை அளிக்கப்படும்.
   தாளவாடி மற்றும் சுற்று வட்டாரப் பொதுமக்கள் அனைவரும் வாய்ப்பினை பயன்படுத்திக்கொண்டு பயனடைய அன்புடன் கேட்டுக்கொள்கிறோம்.
 மேலும் விவரங்களுக்கு 
தாளவாடி பேருந்து நிலையத்தில் வைக்கப்படும் பேனர்களையும்,
 பிரச்சார நோட்டீஸ்களையும்  பார்வையிடவும்.

  உங்கள் தொடர்புக்கு மதிப்பு அளிப்போர்....
 (1) திரு.ஆனந்த நாராயணன் அவர்கள்,
            செய்தியாளர்,தாளவாடி பேருந்து நிலையம்,
 (2)  திரு.V.பாலமுருகன் அவர்கள்,பொருளாளர் ,
          (முத்திரைத்தாள் விற்பனையாளர்),
             தாளவாடி,
 (3) திரு. A.P.ராஜூ அவர்கள்,செயற்குழு உறுப்பினர்,
( நடத்துநர், தமிழ்நாடு அரசு போக்குவரத்துக் கழகம்)
           தாளவாடி.
 (4)  திரு. சு.ராஜேந்திரன் அவர்கள்,செயற்குழு உறுப்பினர்,
( நடத்துநர், தமிழ்நாடு அரசு போக்குவரத்துக் கழகம்) 
         தாளவாடி.
 (5) திரு.S.K.சத்தியமூர்த்தி அவர்கள்,SKS கிரானைட்,
        தொட்டபுரம்,தாளவாடி.
 (6) திரு.N.மனோகரன் அவர்கள், எழுத்தர்,
        மாரியம்மன் கோவில் அருகில்,தாளவாடி.
 (7) திரு.மாதேஸ் அவர்கள்,தலைமை ஆசிரியர்,
         அரசு உயர்நிலைப் பள்ளி ,தாளவாடி.
 (8) திரு. ஆனந்தன் அவர்கள்,குருபுருண்டி,
 (9) திரு.V.வேணுகோபாலன்,அவர்கள்,அருள்வாடி,
 (10) திரு.D. குருபாதசாமி அவர்கள்,நடத்துநர்,
         மகாராஜபுரம்,தாளவாடி.
 (11)திரு.மூர்த்தி அவர்கள்,
        மூர்த்தி டீ ஸ்டால், தாளவாடி.
 (12) திரு.பக்திகுமார் அவர்கள், ஓட்டுநர் சங்கத் தலைவர் &
              அனைத்து ஓட்டுநர்கள்
            டெம்போ ஸ்டேண்ட்,தாளவாடி,
 (13)  தமிழ்நாடு அரசுப் பேருந்து ஓட்டுநர்கள் மற்றும் நடத்துநர்கள்,
              தமிழ்நாடு அரசு போக்குவரத்துக் கழகம்
                தாளவாடி.

அனைத்திந்திய சாரதிகள் தினம்

மரியாதைக்குரியவர்களே,
வணக்கம்,

       

  

      

அனைவரையும் வரவேற்கிறேன்.வருகிற ஜூன் மாதம் 26 ஆம் தேதி ஈரோடு மாவட்டம் சத்தியமங்கலத்தில்
 (1)அனைத்திந்திய சாரதிகள் தினவிழா,
(2)போலீஸ்காவலர்கள் மற்றும் பொதுமக்கள் நல்லுறவு தினவிழா,
(3)உலக போதைப் பொருள் ஒழிப்புதினவிழா 
                ஆகிய முப்பெரும் விழா அனைவரின் ஒத்துழைப்போடு நடைபெற உள்ளது.அதுசமயம் பல்வேறு விளையாட்டுப் போட்டிகள்,பள்ளி மற்றும் கல்லூரிகளில் நாட்டின் உயிரோட்டம் சாலைப் போக்குவரத்து என்ற தலைப்பில் கட்டுரைப் போட்டி,அனைத்து அரசுத்துறை அலுவலர்கள்,சமூக ஆர்வலர்கள்,அனைத்து வகை வாகன உரிமையாளர்கள், கல்வித்துறை சான்றோர்கள்,லயன்ஸ் கிளப்,ரோட்டரி கிளப்,ஒய்ஸ்மென் கிளப் இன்னும் பல சமூக சேவை அமைப்புகள், என அனை வரும் பங்கேற்கும் - சாரதிகளின் மதிப்பு சமூகத்தில் இழப்பா? என்ற தலைப்பில் மாபெரும் கருத்தரங்கம் நடைபெற உள்ளன. கருத்தரங்கத்தில் தனி மனித வாழ்வு மற்றும் தொழில்முறை வாழ்வு உட்பட பல்வேறு பிரச்சினைகளையும்விவாதிக்க உள்ளோம்.
  மேலும் விபரங்களுக்கு
http://alldriversindia.blogspot.com வலைப்பக்கம் சென்று காணலாம். முகநூல் முகவரி alldriversindia மின்னஞ்சல் முகவரி alldriversindia@gmail.com , consumerandroad@gmail.com
 லோகு கனரக வாகன ஓட்டுநர் பயிற்சிப் பள்ளி மற்றும் லோகு புகை பரிசோதனை நிலையம் -(NATIONAL HIGHWAY-209 BANNARI ROAD) சத்தியமங்கலம்.ஈரோடுமாவட்டம்.

தகவல் பெறும் உரிமைச் சட்ட மனுக்களை தபால் அலுவலகத்திலேயே கொடுக்கலாம்.

மரியாதைக்குரியவர்களே,வணக்கம்.

               தகவல் பெறும் உரிமைச் சட்ட மனுக்களை தபால் அலுவலகத்திலேயே கொடுக்கலாம்.
உங்கள் ஊர் அஞ்சலகம் அந்தக் கடமையைச் செய்கிறதா?
தகவல் உரிமைச் சட்டத்தின்கீழ் மத்திய அரசிடம் ஏதாவது தகவல் கேட்க எண்ணுகிறீர்களா? ஆனால் அந்த அலுவலகத்தின் முகவரி தெரியவில்லையா அல்லது அதை நேரில் தேடிக் கண்டுபிடித்து அதற்கான மனுவை அனுப்ப அவகாசமில்லையா அல்லது அதற்கான பதிவுத் தபால் கட்டணத்தை மிச்சப்படுத்த எண்ணுகிறீர்களா?

நீங்கள் எங்கும் அலைய வேண்டாம். உங்களுக்கு அருகில் இருக்கும் தபால் நிலையங்களில் அந்த மனுவைக் கொடுத்து விட்டால் போதும். அவர்களே சம்பந்தப்பட்ட அலுவலகத்திற்கு அனுப்பி வைத்து விடுவார்கள்!
நம்ப முடியவில்லையா? சந்தேகமே வேண்டாம், சட்டம் அப்படித்தான் சொல்கிறது.
                   ஆனால் பல தபால் நிலையங்களில் நீங்கள் மனுவைக் கொண்டு கொடுத்ததும் வாங்க மறுப்பார்கள். ஏனெனில் அவர்களுக்கு அப்படி ஒரு விதிமுறை இருப்பதே தெரியாது. ‘புதிய தலைமுறை’ அஞ்சல்துறை அதிகாரிகளிடம் இதைப் பற்றி விசாரித்தபோது அவர்கள் சொன்ன பதில், ‘இப்படி ஒரு சுற்றறிக்கை இருப்பதே எங்களுக்குத் தெரியாது’.!
இதற்கான ஆணைகள் தகவல் உரிமைச் சட்டம் நடைமுறைக்கு வந்த 2005ம் ஆண்டு அக்டோபர் மாதமே பிறப்பிக்கப்பட்டு விட்டன. அஞ்சலகங்கள் மத்திய அரசு, மத்திய அரசின் அமைச்சகங்கள், அவை சார்ந்த துறைகள், பொதுத்துறை நிறுவனங்கள் ஆகியவற்றின் மத்திய உதவிப் பொதுத் தகவல் அதிகாரிகளாக (Central Assistant public information officers - CAPIO) செயல்பட வேண்டும் எனப் பிரதமர் ஆணையிட்டார். இதற்கான விரிவான சுற்றிக்கையை 17.10.2005 அன்று அஞ்சல் துறையின் துணை டைரக்டர் ஜெனரலாக இருந்த கல்பனா திவாரி, அப்போது தமிழ்நாடு வட்டத்தின் தலைமை அஞ்சல் அதிகாரியாக இருந்த திருமதி. வத்சலா ரகுவிற்கு அனுப்பியுள்ளார் (Do.No.3&38/05&PG). அவரும் (Chief Postmaster General) ’அவசரம்... கோட்ட அஞ்சல் அதிகாரிகளுக்கு இதைத் தெரியப்படுத்துங்கள்’ என்று 2005ம் ஆண்டு அக்டோபர் 24ம் தேதி குறிப்பெழுதியிருக்கிறார்.
சரி, அந்த சுற்றிக்கை சொல்வது என்ன?
1.மத்திய அரசிடம் தகவல் கோரி வரும் விண்ணப்பத்தின் மூன்று நகல்களைப் பெற்றுக்கொள்ள வேண்டும். விண்ணப்பம் சரியாக நிரப்பப்பட்டுள்ளதா எனச் சரி பார்க்க வேண்டும். மனு தெளிவாக இல்லை என்றால் அதைத் தெளிவாக எழுத உதவ வேண்டும்.
2.மூன்று நகல்களில் ஒரு நகலில் ஒப்புதல் அளித்து அப்போதே விண்ணப்பதாரரிடம் ஒப்படைத்துவிட வேண்டும்.
3.விண்ணப்பத்தோடு தகவல் பெற செலுத்தப்படும் கட்டணம் வங்கி வரைவோலையாகவோ, போஸ்டல் ஆர்டராகவோ, நீதிமன்ற ஸ்டாம்ப்பாகவோ இருக்கலாம். அவை எல்லாமே ஏற்றுக் கொள்ளத்தக்கவை. அதனால் கட்டணம் இப்படித்தான் செலுத்தப்பட்டிருக்க வேண்டும் எனச் சொல்லி அலைக்கழிக்கக் கூடாது
4.மற்றொரு நகலை எந்த அலுவலகத்திற்கு அனுப்பி விட வேண்டுமோ அந்த அலுவலகத்திற்கு பதிவு அஞ்சல் மூலம் அஞ்சல் அலுவலகமே அனுப்பிவிட்டு விண்ணப்பதாரருக்கு அந்தத் தகவலைத் தெரிவிக்க வேண்டும். இதற்காக அஞ்சல் அலுவலகம் தனிப்பதிவேடுகளையும் விண்ணப்பதாரரால் ஒப்படைக்கப்பட்ட மூன்று நகல்களில் ஒரு நகலையும் பராமரிக்க வேண்டும்.
5.இதே நடைமுறையில் முதல் மேல்முறையீடு விண்ணப்பதையும் புதுடெல்லியில் இயங்கும் மத்திய தகவல் ஆணையத்திற்கு இரண்டாவது மேல்முறையீடு விண்ணப்பத்தையும் அஞ்சல் அலுவலகத்திலேயே ஒப்படைத்துவிடலாம். இந்தப் பணிகள் எதற்கும் கூடுதல் கட்டணம் ஏதும் அஞ்சல் அலுவலகத்திற்கு செலுத்த வேண்டியது இல்லை.
அஞ்சல் அலுவலகங்கள் செய்தாக வேண்டிய இந்த மக்கள் சேவை மக்களுக்குத் தெரியாது. ஏன், அஞ்சல் துறையில் பணியாற்றும் 70 சதவிகித அதிகாரிகளுக்குத் தெரியாது. கோட்ட, மண்டல, மாநில அளவிலான தலைமை அஞ்சல் அலுவலகங்களில் எப்போதும் ஓடிக்கொண்டிருக்கும் சின்னத்திரையில் எல்லாவற்றையும் காட்டும் அஞ்சல்துறை இதை மட்டும் இன்றுவரை ஒளிபரப்பு செய்ததே இல்லை.
“95 சதவிகித அஞ்சல் அலுவலகங்களில் இப்படி ஒரு சுற்றறிக்கை எங்களுக்கு வரவில்லை. ஆகவே நாங்கள் தகவல் உரிமைச் சட்ட விண்ணப்பத்தை வாங்க மாட்டோம் என மிக எளிதாகச் சொல்லி முகத்தில் அடிக்கிறார்கள். இது இந்தச் சட்டத்தின் உயர் நோக்கத்திற்கு எதிரான செயல்” என்கிறார், இந்தியன் குரல் சட்ட விழிப்புணர்வு அமைப்பின் நிறுவன உறுப்பினர் எம்.சிவராஜ்.
ஆனால் வேலூரில் உள்ள தலைமை தபால் நிலையம் இந்தச் சேவையை செய்து கொண்டிருக்கிறது இதைக் குறித்து வேலூர் தலைமை தபால் அலுவலகத்தில் விசாரித்தபோது, “மாதத்திற்கு நான்கு, ஐந்து விண்ணப்பங்களைப் பெற்று உரிய பொதுத்தகவல் அலுவலருக்கு அனுப்பி வைக்கிறோம். சிறு கிராமங்களில் இருந்து பெற்று கூட அஞ்சல் கண்காணிப்பாளர் அலுவலகத்துக்கு அனுப்பிவிடுவார்கள். அங்கிருந்து உரிய இடங்களுக்கு அஞ்சல்கள் அனுப்பி வைக்கப்படுகின்றன. இதற்கான பதிவேடுகளையும் பராமரித்து வருகிறோம்” என்கின்றனர்.
ஒவ்வொரு அஞ்சல் அலுவலகத்திலும் இதனை தெளிவுபடுத்தும் விதமாக போர்டு ஒன்று ஏன் வைக்கக் கூடாது?
ஒருவேளை அஞ்சல்துறையிடம் இந்த போர்டு வைப்பதற்கு பணம் இல்லை என்றால், ஆங்காங்கு உள்ள தொண்டு நிறுவனங்களை இத்தகைய போர்டுகளை வைக்க அனுமதிக்கலாமே!